ބިނާއީ އުނގެނުމުގެ ނަޒަރިއްޔާތު
ބިނާއީ
އުނގެނުމުގެ ނަޒަރިއްޔާތު ނުވަތަ 'ކޮންސްޓްރަކްޓިވިޒަމް' ތިޔަރީއަކީ ކޮގްނެޓިވް
އަދި ސޯޝަލް ކޮގްނެޓިވް ތިޔަރީގައި ބަޔާންކުރާ މައިގަނޑު މަސްދަރުތައް އިތުރަށް
ތަރައްޤީވެ ޒަމާނީ އުނގެނުމުގެ ނިޒާމަށް ފެތި ބައްޓަންވެގެން ވުޖޫދުވެފައިވާ ތިޔަރީ
އެކެވެ. އެގޮތުން މި ތިޔަރީގެ މައިގަނޑު ދެ ގަބޫލު ކުރުމަކީ އުނގެނެނީ ކުއްޖާ މާހައުލަށް ހޭނުމަށްޓަކައި
ކުރާ ތަޖުރިބާތަކުގެ ތެރެއިން ސިކުނޑީގެ މަސައްކަތްތަކަށް ފިތުރީގޮތުން އަންނަ
ބަދަލުތަކަށް ރިޢާޔަތްކޮށްގެން ކަމަށާއި އަދި މިބަދަލުތަކާއެކު ދިރިއުޅޭ
މާޙައުލުން ފެންނަ ފެނުންތަކާއި ކުރެވޭ ތަޖުރިބާތައް ނުވަތަ އިޖުތިމާޢީ ގުޅުން
މުހިންމު ދައުރެއް އަދާކުރަންޖެހޭ ކަމަށް ބުރަވާ ތިޔަރީ އެވެ.
މި ތިޔަރީއަކީ ގިނަކުދިން
އެކުގައި މަސައްކަތް ކުރުމަށް ހިތްވަރުދީ އެއްކޮށް އުނގެނުމުގެ ފޯރި ޖެއްސުމަށް
ބާރުއަޅާ ތިޔަރީއެކެވެ. އެގޮތުން، މި
ތިޔަރީގެ މެދުވެރިކޮށް ފިލާވަޅުތައް ގެންދިޔުމުގައި ކޯޕަރޭޓިވް ލާނިން މެތަޑްތައް ބޭނުން
ރެއެވެ. މިފަދަ ޙަރަކާތްތަކުގެ
ތެރޭގައި، ޖިގްސޯ މެތަޑް، ތިންކިންގ
ހެޓްސް، ގުރޫޕް، އިންވެސްޓިގޭޝަން، ތިންކިންގ
ޕެއަރ ޝެއަރ ފަދަ ހަރަކާތްތައް ހިމެނެއެވެ. މި ޙަރަކާތްތަކުގެ ތެރެއިން، އުނގެނުމުގައި
ދަރިވަރުންގެ އިހުސާސްތަކާއި، ޝުޢޫރުތަކާއި، ވިސްނުމާއި، ފިކުރާއި ކަންކަމާމެދު
ދެކޭގޮތް ހާމަކުރުމަށް ފުރުސަތު ލިބި އަމިއްލައަށް ކަންކަން ދިރާސާކޮށް
ތަޙުލީލުކޮށް، އަމިއްލައަށް ވިސްނޭގޮތް ބޭނުންކޮށްގެން އަމިއްލަ ރަޢުޔަތައް
ނެރުމުގެ ފުރުޞަތުދެވެއެވެ. މީގެއިތުރުން، ވާހަކަދެއްކުމާއި އިޖުތިމާޢީ
ހުނަރުތައް ތަރައްޤީ ކުރުމަށް ފުރުޞަތު ލިބި ދުނިޔަވީ ކަންކަމާ ދަސްކުރާ އެއްޗަކާ
ހުރި ގުޅުން އެނގުމަށް މަގުފަހިވެއެވެ. މީގެ ސަބަބުން ޢަމަލީ ދިރިއުޅުމުގައި ޖެހޭ
މައްސަލަތައް ޙައްލުކޮށް ދިރިއުޅުމުގެ މުހުތާދުތަކަށް ހެޔޮ އަސަރު ފޯރައެވެ.
Comments
Post a Comment