މައުރޫފީ
އުނގެނުމުގެ ނަޒަރިއްޔާތު (ކޮގްނެޓިވް ލާރނިންގ ތިޔަރީ)
ޖީން
ޕިއާޖޭ ތަޢާރަފްކުރައްވާފައިވާ 'ކޮގްނިޓިވް ލާރނިންގ ތިއަރީ' އަކީ
އުނގަންނައިދިނުމުގައި ބޭނުން ކުރެވިދާނެ މުހިންމު ތިޔަރީއެކެވެ. މި ތިޔަރީ އެންމެ
ބޮޑަށް ބަރޯސާވަނީ ދަރިވަރުގެ ވިސްނުމަށެވެ. މި ތިޔަރީގައި އުނގެނުމުގެ މަފްހޫމް މާނަކޮށްފައިވަނީ، ކުއްޖާ މާހައުލަށް
ހޭނުމަށްޓަކައި ކުރާ ތަޖުރިބާތަކުގެ ތެރެއިން ސިކުނޑީގެ މަސައްކަތްތަކަށް
ފިތުރީގޮތުން އަންނަ ބަދަލުތަކަށް ރިޢާޔަތްކޮށްގެން ކިޔަވައިދިނުމަށެވެ. މިތިއަރީގެ
އެއް ވިސްނުމަކީ، ދަރިވަރަށް އުނގެނުމަށް ބާރުއެޅުމުގައި، އަބަދުވެސް ކުރިން އުނގެނި،
ދަސްކޮށްފައިވާ، ނުވަތަ އެނގޭ މަޢުލޫމާތަކާ ނުވަތަ ކޮށްފައިވާ ތަޖުރިބާއަކާ ގުޅުވައިލައިގެން
ކިޔަވައިދިނުމެވެ. މީގެ ނަތީޖާއަކީ ފިލާވަޅަށް ދަރިވަރުންގެ ސަމާލުކަން ދެމެހެއްޓުމުގެ ބާރަކަށް
މިކަންވެ، އުނގެނުމަކީ މާނަހުރިއެއްޗެއްގެ
ގޮތުގައި ބެލެވޭތަން އައުމެވެ.
ޕިޔާޖޭ ގަބޫލު ކުރައްވާގޮތުގައި،
ކޮންމެ މީހެއްގެވެސް ވިސްނުމާއި ފިކުރީ ކުރިއެރުންތައް ލިބިގެންދަނީ މައިގަނޑު
ހަތަރު މަރުޙަލާއެއް ކަޑައްތު ކުރުމަށް ފަހުގައެވެ. އެއީ ޅަފަތުގެ އުމުރު (ސެންސަރީ މޯޓޯ)، ޕްރީ އޮޕަރޭޝަން، ކޮންކްރީޓް އޮޕަރޭޝަނަލް
އަދި ފޯމަލް އޮޕަރޭޝަން އެވެ. ޕިޔާޖޭ
ގަބޫލު ކުރައްވާގޮތުގައި މީގެ ކޮންމެ މަރުޙަލާއެއްގައިވެސް ކުދިން ވިސްނަނީ
ތަފާތުކޮށެވެ. އެހެންކަމުން ކުދިންގެ ވިސްނުމާ ގުޅޭގޮތަށް ކިޔަވައިދިނުމުގެ ގޮތްތައް
ބައްޓަންކުރުމަށް މި ތިޔަރީ ބާރުއަޅަ
އެވެ.
Comments
Post a Comment