ބަސް އުނގެނުމުގެ ނަޒަރިއްޔާތު 1
ސުލޫކީ އުނގެނުމުގެ ނަޒަރިއްޔާތު (Behavioral Learning
Theory)
މި ނަޒަރިއްޔާތުގެ
މޭސްތެރީންނަކީ ބީ.އެފް. ސްކްނިރ (B.F. Skinner) އަދި އިވަން ޕަވްލޯވް (Ivan Pavlov) ފަދަ ބިހޭވިއަރިސްޓުންނެވެ. މި
ނަޒަރިއްޔާތުގެ މައިގަނޑު ގަބޫލުކުރުމަކީ ކުއްޖާ އުނގެނެނީ ކުއްޖާގެ ސުލޫކަށް (behavior) ނުވަތަ އުޅުމަށް އަންނަ ދާއިމީ
ބަދަލެއްގެ ސަބަބުންނެވެ. ކުއްޖާއަށް މި ބަދަލު އަންނަން މެދުވެރިވަނީ، ކުއްޖާ
އުޅޭ މާހައުލުން ނުވަތަ އެހެނިހެން
ފަރާތްތަކުން އެ ކުއްޖަކަށް އުނގެނުމާ ގުޅޭގޮތުން ލިބެމުންދާ ހިތްވަރާއި
ތަރުހީބެވެ ނުވަތަ ރިއިންފޯރސްމެންޓެވެ. މީގެ ސަބަބުން ކުއްޖާގެ އުޅުން ވަކި
ގޮތަކަށް ވަކިގޮތަކަށް ބައްޓަން (Condition) ކުރެވެއެވެ.
މި ނަޒަރިއްޔާތު ވުޖޫދުވުމުގެ
އަސްލު ގުޅިފައިވަނީ، ކުއްތާއެއް ވަކި ގޮތަކަށް ހާނެވުމުގައި
(ކޮންޑިޝަންކުރުމުގައި) ތަޖުރިބާކުރި ގޮތުގެ މައްޗަށެވެ. އެއީ ސްޓިމިއުލަސް (ވަކިކަމަކަށް)-
ރެސްޕޯންސް (ރައްދު )- ރީއިންފޯސްމެންޓު (ހިތްވަރު/ ތަރުޙީބު) އުޞޫލެވެ. މި ކުއްތާ ވަކި ގޮތަކަށް ކޮންޑިޝަން
ކުރުމުގައި 3 މަރުޙަލާއެއް ކަޑައްތުކޮށްފައިވެއެވެ. އެއީ ކޮންޑިޝަން ކުރުމުގެ ކުރި
(Before conditioning)، ކޮންޑިޝަން ކުރުމުގެތެރެ (During conditioning)، އަދި ކޮންޑިޝަން ކުރުމުގެ ފަސް (After conditioning) އެވެ.
ފުރަތަމަ މަރުޙަލާގައި
ކުއްތާއަށް ކާއެއްޗެއް ދެއްކުމުން ކުޅުދިޔާވެއެވެ. މިއީ ކުއްތާ ވަކި ގޮތަކަށް
ބައްޓަން ކޮށްގެން ނުވަތަ ހާނުވައިގެން ކުރި ކަމަކަށް ނުވާތީވެ، މި ޙާލަތުގައި
ކާއެއްޗެހިވާނީ އަންކޮޑިޝަންޑް ސްޓިމިއުލަސް އަކަށެވެ. އަދި ކުއްތާގެ ކުޅުދިޔާވުން
ބެލެވިގެންދަނީ އަންކޮންޑިޝަންޑް ރެސްޕޯންސްއަކަށެވެ.
ހަމަ މި މަރުހަލާގައި އުލެއް
ތަޅުވާލުމުން ކުއްތާގެ ހަރަކާތަށް އަންނަ ބަދަލު ބެލުނެވެ. ނަމަވެސް ކާއެއްޗެހި
ފެނުމުން ކުއްތާ ރެސްޕޯންސް ކުރި ގޮތަށް ކުއްތާ މި ޙާލަތުގައި ރެސްޕޯންސެއް
ނުކުރެއެވެ.
ދެވަނަ މަރުޙަލާ ނުވަތަ
ކޮންޑިޝަން ކުރުމުގެ ތެރޭގައި ކާއެއްޗެހި ދައްކާ ކޮންމެ ފަހަރަކު އުލެއް ތަޅުވާލާ
އަޑު ކުއްތާއަށް އިއްވެއެވެ. މި ޙާލަތުގައި، ކުއްތާ ކުޅުދިޔާވެއެވެ. މި މަރުޙަލާގައި
އުލުގެ އަޑަކީ ކާއެއްޗެހި ލިބުމުގެ ސިގްނަލެއްކަން އެސޮރު ދަސްކުރެއެވެ. އަދި
މިގޮތަށް އާދަވެއެވެ.
ތިންވަނަ މަރުޙަލާގައި
ކުއްތާއަށް އިއްވެނީ ހަމައެކަނި އުލެއް ތަޅުވާލުމުގެ އަޑެވެ. މި އަޑާއެކު ކުއްތާ
ކުޅުދިޔާވެއެވެ. ކުއްތާގެ ކުޅުދިޔާވުން މިފަހަރު ބެލެވިގެންދިޔައީ ކޮންޑިޝަންޑް
ރެސްޕޯންސް އަކަށެވެ. އެހެނީ، މިބަދަލު އައީ ވަކިގޮތަކަށް ކުއްތާ ހާނައި، ބައްޓަންކުރުމުންނެވެ.
Gambling Commission - The Filmfile Europe
ReplyDeleteA review of Gambling Commission, founded in 2004 by 우회 사이트 Mr Green, who heads 금융 거래 정보 제공 사실 통보서 the gambling company. A full review of Gambling 프로토 Commission 먹튀사이트 조회 and what it's 스포츠 토토 배당률